Институтот за јавно здравје апелира дека консумацијата на безалкохолниот пијалак „Прајм“ кај децата треба да биде ограничена и контролирана од страна на родителите и да не се дозволи консумација од над 500 милилитри дневно.

Како и секогаш, нашата препорака е децата да консумираат вода и природни сокови – велат од ИЈЗ.

Од Институтот појаснуваат дека содржината на витамините и минералите во овој пијалак одговара на препорачаниот дневен внес на витамини и минерали за возрасен човек. Но, овој производ е многу популарен и широко употребуван од страна на децата.

Ако децата, на возраст од 1 до 14 години, консумираат 500 ml дневно од овој производ, ќе се соочат со зголемен внес на витамини и минерали несоодветен за нивната возраст, само со овој пијалак. Секако дека во текот на денот ќе ги внесуваат истите витамини и преку други прехранбени продукти – се наведува во соопштението.

Овој производ не содржи кофеин, не содржи шеќери, значи не е енергетски пијалак, но затоа содржи засладувачи и од ИЈЗ предупредуваат дека децата ќе се соочат и со зголемен внес на вештачки засладувачи.

PRIME HYDRATION DRINK е безалкохолен пијалок со додадени витамини, минерали и аминокиселини, кој може да се најде на пазарот во Македонија.

Енергетскиот пијалок „Прајм“ е забранет и во Хрватска, во Македонија дозволено e да се продава