Иако Њукасл преку ноќ стана најбогат спортски клуб на светот, сепак не сакаат сите да бидат дел од англискиот премиерлигаш.

Новите сопственици на Њукасл, Саудискиот инвестициски фонд кој е под контрола на принцот Мохамед бин Салман, во брзо време ја доби и втората корпа. По Антонио Конте кој засега одбива да седне на клупата, истото го стори и менаџерот на Лестер, Брендан Ронџерс.

Роџерс иако доби богата понуда да го презеде Њукасл, тој ја одби истата бидејќи има сосема поинакви идеи.

Роџерс е главен фаворит во 2023 година да го наследи Пеп Гвардиола на клупата на Манчестер сити. Наводно тој има ветување од челниците на Сити дека ќе биде назначен за нов менаџер на „граѓаните“ кога ќе се повлече Гвардиола и поради тоа ја одби понудата на Њукасл.

Ова не е прв пат името на Роџерс да се поврзува со клупата на Сити, тој и пред осум години беше кандидат ада го наследи Роберто Манчини, но тогаш челниците на клубот одлучија дека Мануел Пелегрини.

Сега планот на челниците на Манчестер сити е по Гвардиола да дојде тренер кој добро го познава англискиот фудбал и е докажан во Премиер лигата и Брендан Роџерс е идеален избор.