Популарниот хрватски пејач и политичар Мирослав Шкоро си поднесе оставка од местото претседател на Татковинското движење и сите останати должности во партијата.

Тоа го објави на својот Фејсбук профил со назнака дека тоа го прави од лични причини, а својата одлука дополнително ја образложи во изјава за Хрватското радио.

Шкоро најави дека ќе остане пратеник и потпретседател на Хрватскиот сабор, а очекува и почесна функцијата во партијата.

Со неговата оставка се отвора прашањето како мисли да му препушти на новото  водство да се наметне во партијата ако ја задржува и таа највисока хиерархиска позиција во саборот. Исто така, отворено е и прашањето дали целиот случај потсетува на оној со Иво Санадер кој „замина за да остане“ и се повлече влечејќи некои потези од сенка.

-Во принцип мантрата е таква, што, ете, јас сум губитник, јас сум човек кој е навистина причина зошто се напаѓа тоа Татковинско движење и тие луѓе. Потоа по еден разговор со своето семејство заклучив дека можеби е најдобро да продолжам да се занимавам со политиката, да останам во Саборот, но да се тргнам од претседателското место во партијата, рече Шкоро за ХТВ.