Ракометната репрезентација на Хрватска со победа го отвори настапот во втората фаза, откако во неизвесен дуел го совлада Исланд со 30-29.

Од самиот старт, Хрватите наметнаа контрола и во поголемиот дел од натпреварот беа во водство, но и покрај тоа не успеваа да создадат поголема резултатска разлика. Еден од клучните периоди во натпреварот беше завршницата на првото полувреме, кога со серија од 3-0 за првпат стекнаа предност од четири гола и на пауза заминаа со 19-15.

Во продолжението, Хрватска успеа да ја одржува предноста, иако Исланд во еден момент се доближи на само еден гол негатива. Сепак, тоа беше максимумот што Исланѓаните го постигнаа на овој натпревар.

Причинат за поразот Исланд може да ја бара и во слабата реализација ударите од седум метри бидејќи промашија четири пенали. Особено скапо го платија еден од промашените удари во самиот финиш, кога имаа можност да израмнат, но наместо тоа Хрватска во следниот напад повторно се одлепи на плус два. Најефикасен во хрватскиот состав беше Мараш со седум погодоци, додека кај Исланд се истакна Магнусон со осум гола.

За Хрватска овие два бода се први во втората група со што се враќаат во игра и за место во полуфиналето.