Хрватската тениска репрезентација се најде на првото место на новообјавената ранг-листа, додека репрезентацијата на Србија се најде на шестото место.

Хрватска за прв пат е на врвот на ранг-листата од 2006 година и до овој успех дојде благодарение на пласманот во финалето на Дејвис купот каде загуби од Русија.
Хрватска сега има 1435,5 бодови, 59 повеќе од Франција која досега беше на првото место.

До петтото место место нема промени, Шпанија е трета, Белгија е четврта, додека САД се петти.
Репрезентацијата на Србија која загуби во полуфиналето на Дејвис купот токму од Хрватска, се наоѓа на шестото место со 503,13 бодови.

Најголем напредок на ранг листата имаше победникот во Дејвис купот, Русија која скокна за пет позиции и сега се наоѓа на осмото место и ова е нивен прв пласман во топ 10.
Најдобрите 10 тениски репрезентации ги комплетираат Канада која е седма, Германија е деветта и Италија десетта.