Екипата на Металург ја забележа втората победа во ракометната Суперлига откако со 21:28 славеше на гостувањето во Прилеп во рамките на групата Б.

Човек на одлука за Металург беше Златко Хорват кој постигна 10 гола, додека Кондев и Додик дадоа по четири гола за тимот од Автокоманда кој уште од првото полувреме ја имаше контролата над резултатот и играта.

Фаворитската улога во второто коло ја оправаа и Тинекс Пролет и Бутел. Тинекс Пролет со 32:24 беше поуспешен од Астраион. Василевски и Палевски беа одлични во победата на Пролет постигнувајќи по девет гола.

Бутел дури во второто полувреме го скрши отпорот на Младост и славеше со 33:23 откако во првиот дел предноста на домашниот тим изнесување само два гола (15:13). Мирко Мајиќ беше одлично расположен за игра и даде дури 14 гола.

Резултати:
Група А
Радовиш – Голден Арт КЛ7 33:29
Тинекс Пролет – Астраион 32:24
Струга – Јуниор КВ 22:20

Група Б
Еурофарм Пелистер 2 – Работнички 35:23
Прилеп – Металург 21:28
Бутел – Младост 33:23

фото: РК Металург