Холанѓанецот Макели ќе го суди првиот натпревар на Европското првенство
Сите со нетрпение го очекуваме стартот на Европското првенство, а тоа официјално ќе се случи на 11 јуни на „Олимпико“ во Рим.
Во рамките од групата „А“ домаќинот Италија ќе ги одмери силите против селекцијата на Турција со почеток од 21.00 часот.
Веќе е познато и кој ќе биде главниот судија на овој меч, тоа е Холанѓанецот Дани Макели кој имаше доста големи мечеви и во минатото.
Но, и доста контроверзни, а помеѓу нив беше и оној меч годинава во квалификациите за Светското првенство помеѓу Србија и Португалија, во кој во самиот финиш не му беше признат чист гол на Кристијано Роналдо при резултат 2:2. ВАР технологија немаше на тој натпревар.
Лани Макели го судеше финалето во Лига Европа помеѓу екипите на Севиља и Интер (3:2).
Во следниот период се очекува да го дознаеме името на човекот кој ќе дели судиска правда на првиот натпревар на Македонија против Австрија на 13 јуни во Букурешт.