Холандските научници открија антитело кое спречува коронавирусот да ги зарази човечките клетки
Експертите главно се сложуваат дека новиот коронавирус нема да може да се контролира додека не се добие лек или вакцина.
Научниците од Утрехт во Холандија откриле моноклонско антитело. Ова откритие е големо зошто е утврдено дека во контролирани лабораториски услови наведеното антитело спречува новиот коронавирус да ги зарази човечките клетки.
Истражувањето е објавено во научното списание Nature Communications, а треба да се напомене дека станува збор за рана фаза, пред клиничката фаза, кога се тргнува кон тестирање врз животни и луѓе. И покрај тоа ова истражување е многу охрабрувачко зошто во иднина би можело да спречи или да го лекува новиот коронавирус и слични болести.
Експертите главно се сложуваат дека новиот коронавирус нема да може да се контролира додека не се добие лек или вакцина. Најоптимистични засега се прогнозите на научниците во Оксфорд кои се надеваат дека новата вакцина ќе стигне на пазарот до септември поради многу добрите резултати од тестирањето на луѓето кои засега ја добија.