Лидерот на средношколскиот Сојуз, Бленди Ходаи, се уште не знае кој стои зад организацијата Средношколски глас, кои повикуваа на протест против дигитализацијата, објаснувајќи дека токму поради тоа не е во можност да воспостави контакт со нив. 

– Пробавме да воспоставиме контакт со нив, меѓутоа ние се уште не знаеме кои се нивните лидери. Тие на Фејсбук ги повикуваат средношколците на протести и создаваат раздор, без јасно да ги искажат своите барања. Ние сме отворени за разговор, меѓутоа досега немаме никаква соработка со таа организација бидејќи не знаеме кој стои зад неа– вели Бленди Ходаи, во одговор на новинарско прашање на „Слободен печат“. 

„Средношколски глас“ за воведувањето електронски учебници: Ако продолжи инаетот, одиме на протести!

Од претходно Средношколски глас го изразија јасно својот став против дигитализацијата, посочувајќи дека доколку продолжи „инаетот на министерката“, тие ќе излезат на протест.