Хашим Тачи шест часа сослушуван во Хаг, еве што изјави кога излезе од Судот
Според соопштението на обвинителот, Тачи, Весели и другите се осомничени за речиси 100 убиства.
Косовскиот претседател Хашим Тачи изјави денеска, по 6 часа распит во просториите на Специјалниот совет и обвинителство во Хаг, дека цело време ги слушал техничките прашања што му ги поставувале претставниците на обвинителстовот и неговиот правен застапник и најави дека утре продолжува распитот.
Тачи, која се наоѓа на распит во Хаг на повик на специјалниот обвинител по повод обвинението за воени злостроства на Косово, не изнесе други детали, пренесува Радио Слободна Европа.
„Никој не може да ја препишува историјата. Ова е цена за слободата. Верувам во мир, вистина и правда. Верувам во дијалог и добри односи со своите соеди. Косово е приказна за успех и на тоа сум многу горд. Дестинацијата на Косово е членство во ЕУ, НАТО и трајно пријателство со САД“, рече Тачи.
Приштинските медиуми пренесоа дека пред седиштето на судот го пречекале неколку десетици Албанци кои протестирале против обвинението, кое заедно со него го товари и лидерот на Демократската партија на Косово (ДПК), поранешниот претседател на собранието Кадри Весели и други.
Албанците кои го дочекаа носеа различни транспаренти и му скандираа на Тачи, пренесува Коха диторе.
Обвиненеието против Тачи е покренато на 24. април и сега се наоѓа кај судија задолжен за нејзиното преиспитување и донесување одлука за потврдување, соопшти кон крајот на јуни Специјализираното обвинителство.
Според соопштението на обвинителот, Тачи, Весели и другите се осомничени за речиси 100 убиства.