Харви Вајнстин го победи коронавирусот
Харви Вајнстин (68) е излекуван од коронавирусот, дознава Дејли Мејл. Продуцентот кој неодамна е осуден поради сексуално злоставување, повеќе нема грозница, ниту кашлица, а ставен е во карантин кој трае 14 дена.
Тој моментално е сместен во единицата за ментално здравје, каде е ставен на набљудување, со цел да не изврши наводно самоубиство, наведоа официјалните лица од затворот во кој Вајнстин се наоѓа.
Изворот близок на Вајнстин тврди дека е изненаден како продуцентот го преживеал коронавирусот, бидејќи тој со години има други здравствени проблеми, вклучувајќи висок крвен притисок, срцеви проблеми, како и дијабетес.
– Го изгубивме контактот со него кога беше тестиран за КОВИД-19, бидејќи беше сместен во изолација под карантин. Имаше грозница и кашлица. Човекот беше во многу лоша здравствена состојба. Не можам да верувам дека го преживеа ова. Мислев дека ова ќе му биде крајот, изјави извор близок на Вајнстин.
Инаку, Харви Вајнстин ја служи затворската казна од 23 години поради сексуални напади.