ВИДЕО | Хари Стајлс го прекина концертот откако фановите почнале да се гушат и губат свест
Познатиот британски пејач Хари Стајлс мораше да го прекине концертот во Богота, Колумбија поради инцидент што се случи во првите редови.
Имено, неговите обожаватели почнале да се гушат и да се онесвестуваат за време на концертот.
View this post on Instagram
Британецот од сцената видел што се случува со фановите кои биле пред него и го прекинал концертот за да им помогне и да ги заштити. Стајлс побара од останатиот дел од публиката да се оддалечи од луѓето во првите редови за да спречи уште поголема трагедија.
„Возбуден сум што сум овде и знам дека ќе биде одличен концерт, но најважно е луѓето да се безбедни. Овде е многу жешко и има многу луѓе, ве молам повлечете се неколку чекори назад, но многу, многу бавно“, рече Стајлс од сцената.
Harry Styles detiene su show en Bogotá pidiendo seguridad y calma a todos los asistentes!
Cuidémonos entre todos ❤️🩹 #HarryEnColombia #HarryStyles pic.twitter.com/nPEhpL40fI
— LOS40 Colombia (@los40colombia) November 28, 2022
На Твитер може да се најдат различни коментари од луѓе кои биле на стадионот Колосеум Лајв, каде што имало 24.000 луѓе, а еден посетител напишал дека се плашел за својот живот.
„Бев во делот „Платинум” и за малку ќе умрев. Човекот мораше да го прекине концертот бидејќи се гушевме“, напишал еден од фановите на Твитер, а на една од снимките се слушаат фановите како му викаат на Хари дека немаат воздух и се гушат.
Фановите на британскиот пејач чекале шест часа за да влезат на стадионот во Богота.
