Хакери украле скоро 600 милиони долари во криптовалути на платформата Поли Нетворк
Хакери украле криптовалути во вредност од 600 милиони долари на дигиталната платформа Поли Нетворк, во најголемиот грабеж во историјата на децентрализирани финансиски платформи, пренесува Би-Би-Си.
Платформата објави на Твитер информации за грабежот, наведувајќи ги деталите за дигиталните паричници на кои се префрлени парите, според нивните тврдења, и ги повика корисниците да не прифаќаат криптовалути од тие адреси.
So far, we have received a total value of $4,772,297.675 assets returned by the hacker.
ETH address: $2,654,946.051
BSC address: $1,107,870.815
Polygon address: $1,009,480.809 pic.twitter.com/bPFAQk4mvS— Poly Network (@PolyNetwork2) August 11, 2021
Во време на кражбата, вредноста на украдените криптовалути била нешто повеќе од 600 милиони долари, според „Д Блок“ (публикација за крипто-трговија).
Грабежот е меѓу најголемите во историјата на децентрализирани платформи за финансиски трансакции во криптовалути, надминувајќи го хакерскиот напад на платформата Коинчек со седиште во Токио во 2018 година, кога беа украдени 530 милиони долари во биткоини.
Платформата Мт.гокс пропадна во 2014 година по кражба во која исто така „исчезнаа” околу половина милијарда долари биткоини.
Од Поли Нетворк се украдени повеќе пари отколку што биле украдени во сите слични грабежи во секторот за децентрализирани финансиски трансакции помеѓу јануари и јули оваа година, и таа сума се искачи на рекордни 464 милиони долари, според извештајот на СајперТрејс.
Децентрализираните финансиски платформи овозможуваат размена на криптовалути без традиционалните механизми за контрола обезбедени од банките и берзите.
Застапниците тврдат дека технологијата го „демократизира” пристапот до финансиски услуги, додека критичарите истакнуваат дека таа во голема мера е нерегулирана и ранлива на хакерски напади и грабежи поради технолошките „дупки” и слабости.