На граничните премини утрово се бележат подолги задржувања, при што на преминот „Дојран“ времето на чекање е околу 30 минути, а на „Табановце“ за излез од државата се чека околу 40 минути. На останатите премини нема значителни чекања.

Сообраќајот по државните патишта се одвива по наместа влажни коловози, а магла со намалена видливост е присутна на планинските превои Ѓавато и Пресека.

„Македонија пат“ предупредува и на можни ситни одрони на патишта низ усеци и клисури, со апел за внимателно возење и почитување на сообраќајните правила.