Ракометарите на Охрид ја совладаа екипата на Динамо Панчево резултат 27:20 во полуфиналниот натпревар од петтото издание на турнирот „Вук Рогановиќ“, кој се одигра вечерва во Белград, Србија.

Најефикасен во редовите на ГРК Охрид во триумфот беше Иванковиќ со седум голови, следен од Стрмљан и Тасески со по четири.

Голманот на македонскиот претставник Пилиповиќ беше прогласен за најкорисен играч на натпреварот запишувајќи 13 одбрани.

Статистика ГРК Охрид:
Стрмљан 4, Ојлески 3, Иванковиќ 7, Кукуловски, Трајчески, Ристески, Тасески 4, Реј, Савревски 3, Лиапис, Бојаниќ, Петриќ 3, Ќосевски 3, Блажески, Пилиповиќ (13 одбрани), Ѓорѓески.

„Гладијаторите“ предводени од тренерот Борис Ројевиќ в недела ќе играат во финалето на меѓународниот турнир со почеток од 17.00 часот против победникот од мечот Тримо Требње – Партизан.