Градоначалничката на Амстердам ќе ја затвора Улицата на црвените фенери?
Фемке Халсима, која е градоначалничка на Амстердам, веќе извесно време е свесна дека сексуалните работници на „Ред Лајт Дистрикт“ работат во лоши услови.
Една од идеите е да воведе измени во законите за правата на сексуалните работници, како и посилна контрола на она што се случува зад затворените врати.
Таа е отворена за многу идеи кои би ја подобриле нивната ситуација, од кои едната опција е затворање на прозорците на борделите, потоа преместување на индустријата на друга локација, или пак, проширување на капацитетите и работните места.
Предлозите ќе се разгледуваат на крајот на оваа година, за да може со почетокот на следната да се воведат изгласаните промени.
Исто така, ова е чекор за заштита на автентичноста на овој дел од градот, кој во последните години е нарушен поради големиот наплив на туристи.