Цената на метар квадратен станбен простор од година в година е сè поскапа. Штип последните години е во градежна експанзија, а цените на становите бележат драматичен пораст, при што во некои делови на градот цената за квадрат надминува 1.200 евра.

Како што велат проценителите, нереалниот енормен раст на метар квадратен станбен простор во Штип се должи на зголемената побарувачка од страна на турски државјани кои студираат во „Градот под Исарот“.

Според податоците на даночното одделение, во 2022 и 2023 година во Штип се продадени 650 станови со процентна вредност помеѓу 20 и 30 милиони евра.