Град Скопје по скандалот го раскина договорот со Прв извиднички одред
Град Скопје се оградува од активностите на Првиот скопски извиднички одред кои предизвикаа реакции во јавноста, се вели во соопштението оттаму испратено до медиумите.
Сакаме да информираме дека во проектната документација доставена до нас, ја нема наведено спорната активност ниту имаат доставено каква било информација која би укажала на одржување на истата, пишува во реакцијата.
Од Град Скопје појаснуваат дека учесниците на настанот учествувале во приватна режија и не биле организирани од училиштата.
Имајќи предвид дека настанот кој се случил предизвика лавина негативни реакции во јавноста и не шокираше и нас како институција, Град Скопје го прекинува договорот со Првиот скопски извиднички одред, пишува во соопштението.
Од Град Скопје велат дека ја споделуваат загриженоста и осудите од страна на стручните лица и општата јавност и се согласуваат дека сексуалното образование не може да се спроведува од ентузијасти туку исклучиво од професионалци во областа.
СИТЕ ПОВРЗАНИ ТЕКСТОВИ НА ОВАА ТЕМА:
-
АУДИО | Родител на средношколка од Скопје обвинува за скандалозни активности на камп: Сексуална едукација под секое ниво, децата побарале психијатриска помош!
-
Обвинителство формира предмет за извидничкиот камп, деца се отпишуваат од „извидници“
-
ХЕРА со реакција: Ние не сме организатори на извидничкиот настан Sex Scouts and Rock’n’Roll
-
Родителите гневни за извидничкиот камп: Доделиле награда на девојче за „најдобри гради“ со зборовите „догодина да се видиме поголи и повесели“
-
„Слободен печат“ дознава: Обвинител дал насока во полициска станица да се викнат организаторите на кампот