Повеќе авиони утрово прогласија вонредна состојба во исто време над аеродромот Гетвик во Лондон, објави „Телеграф“.

Најмалку девет летови го активирале итниот код 7700, најверојатно затоа што имале малку гориво поради тоа што морале да кружат во воздухот додека чекале дозвола за слетување.

Авионите не можеле да слетаат откако пистата била затворена кога лет на „Бритиш ервејс“ имал технички проблем околу 00:50 часот.

Авионите кружеле над Јужна Англија додека чекале дозвола за слетување, пред да бидат пренасочени кон други аеродроми. Вкупно 14 летови биле пренасочени кон аеродромите Хитроу во Лондон, Лутон, Станстед, Бирмингем и Бристол.

An issue at Gatwick as nine (9) flights originally bound for the London airport are currently squawking 7700 (likely due to low fuel). We are working to learn more. https://t.co/HsHBhiVnxD pic.twitter.com/cHSUBcbZlv

— Flightradar24 (@flightradar24) July 14, 2026

Авионите доаѓале од различни дестинации, меѓу кои Тенерифе, Валенсија, Ланзароте и Фуертевентура во Шпанија, Родос и Атина во Грција, Бари и Рим во Италија и Агадир во Мароко.

Летот „БА2673“ требало да пристигне на Гетвик во 23:50 часот, но имал доцнење. „Флајтрадар24“ соопшти дека авионот бил пречекан од аеродромските спасувачки и противпожарни служби како мерка на претпазливост.

Аеродромот Гетвик соопшти дека ја затворил пистата бидејќи „безбедноста и сигурноста“ се негов „главен приоритет“.

„Рано утрово пистата беше затворена на краток период поради технички проблем со авион. Како резултат на тоа, мал број летови беа пренасочени, а повеќето подоцна се вратија на Гетвик. Како и секогаш, безбедноста и сигурноста се наш главен приоритет“, изјави потпарол на аеродромот.

Портпарол на „Бритиш ервејс“ изјави дека авионот слетал безбедно, а патниците го напуштиле нормално.

Густата лондонска магла направи хаос на аеродромите, доцнат десетици летови