Готови за 10 минути: Рецепт за слатки бомбици за кои ви се потребни само две состојки
Ладу (Laddoo) се слатки мали индиски бомбици направени од брашно, путер и шеќер, а може да содржат и ситно сечкани ореви, сечкан кокос или суво грозје.
Различни верзии вклучуваат и намирници како брашно од наут, кондензирано млеко, ф’стаци, чоколадо… а најчесто се служат за празници и фестивали.
Една од предностите на слатките бомбици е што брзо се готови, а ние ви претставуваме рецепт кој нема да ви одземе повеќе од десет минути. По желба во смесата можете да додадете и арома на ванила, кардамон во прав или пржени, сечкани ореви.
Состојки:
200 мл засладено кондензирано млеко
150 г рендан кокос плус за посипување
Подготовка:
Измешајте ги млекото и кокосот, префрлете ги во тенџере и варете на тивок оган, мешајќи додека не добиете компактна смеса.
Додека смесата е сеуште топла, формирајте топчиња и валкајте ги во исечкан кокос.