Дисциплинската комисија на Фудбалската федерација на Шпанија официјално соопшти дека голманот на Реал Сарагоса, Естебан Андрада, е казнет со дури 13 натпревари суспензија.

Строгата санкција следува поради бруталниот физички напад врз капитенот на Уеска, Хорхе Пулидо, за време на натпреварот за виендот во Арагон во рамки на Втората лига. Аргентинскиот чувар на мрежата, кој претходно веќе имаше жолт картон, му пријде на главниот судија Дамасо Арседијано Монескиљо со жестоки протести, барајќи преку ВАР да се провери ситуацијата околу црвениот картон за негов соиграч во финишот од натпреварот.

Капитенот на Уеска реагирал на неговото однесување, по што Андрада го оттурна, за што доби втор жолт, односно црвен картон. Но, тука не застана, по исклучувањето, голманот целосно ја загуби контролата и го удри противничкиот играч со тупаница во лице. Според официјалниот записник, Пулидо се здобил со хематом на левата јаболчница.

Puñetazo de Esteban Andrada a Jorge Pulido tras ser expulsado en el Huesca – Real Zaragoza pic.twitter.com/vjNQcCfb0q

— Lorenzo Gelardo (@LorenzoGelardo_) April 26, 2026

На редовниот состанок одржан во средата, Дисциплинската комисија ја донесе конечната одлука. Андрада доби максимални 12 натпревари суспензија за физичкиот напад, на што му е додаден уште еден меч поради вториот жолт картон на истиот натпревар.

Покрај казната од федерацијата, клубот веднаш реагираше и Андрада е суспендиран од сите активности, а платата му е целосно стопирана, со што неговата иднина во Сарагоса практично е завршена.

🚨OFFICIEL : 13 MATCHS DE SUSPENSION POUR ESTEBAN ANDRADA !

🟨🟨 1 match pour son double jaune
🔨 12 matchs pour l’agression

Trop sévère ou totalement mérité selon vous ? 🤔 https://t.co/Li5dhGE8ul pic.twitter.com/q5DSXyhUDI

— Foot Mercato (@footmercato) April 29, 2026