Серхио Љуљ (34), легендата на шпанската и светската кошарка, поради повреда на мускулот ќе го пропушти Европското првенство кое започнува за шест дена, соопшти Шпанската кошаркарска федерација.

Љуљ е капитен на Реал Мадрид со кој двапати ја освои Евролигата, додека со Шпанија дојде до три европски злата и е актуелен светски првак.

Се повреди на подготвителниот меч против Исланд и ја напушти репрезентацијата во која ќе биде заменет од Хуан Нуњез, МВП на Јуниорскиот Евробаскет на ЕП.

За првпат од 2005 година се игра големо натпреварување без ниту еден од браќата Гасол, Серхио Родригез се пензионираше, а во листата на повредени и неподготвени се наоѓаат Рики Рубио, Карлос Алосен, Алберто Абалде, Алекс Абринес, Пјер Ориола, Виктор Клавер и Санти Алдама.

Црвената „фурија“ на ЕП ќе игра во групата „А“ со селекциите на Црна Гора, Турција, Грузија, Белгија и Бугарија.