Ѓоковиќ се врати на терените со победа во Рим (ВИДЕО)
Најдобриот светски тенисер Новак Ѓоковиќ во рамките од второто коло на Мастерс турнирот во Рим (Италија) го совлада домашниот натпреварувач Салваторе Карузо со 6:3 и 6:2.
Српскиот тениски ас во наредната рунда се пласираше после еден час и 24 минути игра, а нареден ривал ќе му биде победникот од дуелот Марко Чекинато (Италија) и Филип Крајиновиќ (Србија).
После шокот и дисквалификацијата на „УС Опен, Ноле ќе се обиде да го врати доброто расположение и шампионски се загрее пред новиот грен слем „Ролан Гарос“ во Париз, Франција.
Денеска во машка конкуренција завршија уште три меча, Беретини беше подобар од Корија (7:5, 6:1), потоа Чилиќ го совлада Гофан двапати со 6:2, а Травалја со 7:6 (2) и 7:5 го елиминираше Чориќ.
Кај жените успешна беше Халеп која со 6:3 и 6:4 беше подобра од Паолини, Мертенс со 6:2 и 6:4 славеше против Линет, а Ковиниќ со 6:3 и 6:1 ја совлада Бенчиќ.
Мастерсот во Рим се игра за награден фонд од 3.465.045 евра.