Првиот светски рекет Новак Ѓоковиќ кој моментално е дел од Мастерсот во Рим каде ја брани титулата освоена минатата година ја пофали младата генерација на тенисери.

– Доаѓа до смена на генерации и резултатите тоа го покажуваат. Овие момци играат секоја недела. Тука се Рубљов, Беретини, Зверев, Циципас и сите играат одлучно и сите доаѓаат до важни поени. Тука е и Медведев како и Тим кои се во врвот на светскиот тенис веќе неколку години. Ќе ме симнат од тронот, тоа е неизбежно. Доаѓаат промени, дали ќе бидат за еден месец или за една година не знам, но знам дека доаѓаат – изјави Ѓоковиќ.

Српскиот тенисер исто така порача дека има нов приоритет, не го интересира уште колку време ќе биде на чело на АТП ранг листата, туку го интересира само освојувањето на грен слем титули.

– Мене тоа повеќе не ме интересира. Сега единствено што ме интересира се грен слем трофеите – порача Ѓоковиќ.