Сè повеќе луѓе користат вештачка интелигенција за секојдневни работи, од совети за готвење до финансии. Стивен Бартлет, автор на подкастот „Дневникот на еден извршен директор“, неодамна го тестираше Четџипити во една од најчувствителните области – личните финансии.

Тој имаше можност да разговара со Џ. Л. Колинс, автор на книгата „Едноставниот пат до богатството“ и експерт за пасивен приход. Темата беше „најголемите лаги на инвестицијата“, кога Бартлет одлучи да ја вклучи вештачката интелигенција во дискусијата, пренесува „Унилад“.

– Јас сум обичен човек кој заработува 50.000 долари годишно. Сакам да бидам целосно финансиски слободен. Објаснете како во една реченица, врз основа на мудроста на секој инвестициски експерт досега –  го прашал Бартлет, Четиџпити.

Пред да добие одговор, Колинс рекол: „Ако мене ме прашувате, процесот е ваков – избегнувајте долгови, живејте под вашите можности и инвестирајте ги вишокот пари“.

Потоа дојде редот на вештачката интелигенција, а одговорот го пронајде авторот на подкастот:

– Фокусирајте се на штедење и постојано инвестирајте во широки, нискобуџетни индексни фондови како S&P 500, живеејќи под вашите можности и дозволувајќи сложената камата да работи во ваша корист – беше одговорот на Четџипити.

Значи, вештачката интелигенција понуди речиси ист одговор како финансискиот експерт во студиото, и на прашањето како да заработите доволно пари за да бидете финансиски слободни. Кога Бартлет побара одговор за тоа како да го зголемите приходот, Колинс советуваше: „Развијте ги вашите вештини“.

Истото го праша Четџипити и го доби одговорот: „Фокусирајте се на вештини со голема побарувачка. Барајте можности за напредување, истражете дополнителни извори на приход или инвестирајте во средства што генерираат пасивен приход, како што се недвижности или дивиденди.“

Во светлината на брзиот развој на вештачката интелигенција, Колинс забележа дека вештини како што е програмирањето, кои некогаш беа многу барани, повеќе не гарантираат успех.

Вештачката интелигенција, според него, очигледно го користи знаењето содржано во стручната литература, а се пошегува дека „веројатно набрзина ја прочитал неговата книга“.