Ѓоковиќ против Педро Мартинез во првото коло на Австралија опен
Српскиот тенисер Новак Ѓоковиќ ќе игра во првото коло од грен слем турнирот Австралија опен против Педро Мартинез, одлучи ждрепката во Мелбурн. Шпанецот е 71 рекет во светот и има 28 години, а Ѓоковиќ никогаш претходно не играл против него.
Препорачано
Освојувачот на рекордни 10 титули од Австралија опен, Ѓоковиќ е во истиот дел од ждрепката како и двократниот последователен шампион Италијанецот Јаник Синер, со кого би можел да игра во полуфиналето.
Потенцијален противник на Ѓоковиќ во второто коло би можел да биде Французинот Теренс Атман, во третото коло би можел да игра против Шпанецот Роберто Баутиста Агут, Американецот Брендон Накашима, или Холанѓанецот Ван де Зандшулп, додека во четвртото коло негови можни противници се Чехот Јакуб Меншик, Талон Грикспор од Холандија и Полјакот Хуберт Хуркач.
🚨Novak Djokovic’s draw for Australian Open 2026:
Round 1: 🇪🇸Martinez
Round 2: 🇫🇷Atmane/Qualifier
Round 3: 🇺🇸Nakashima/🇪🇸Agut/🇳🇱Botic
Round 4: 🇨🇿Mensik/🇳🇱Griekspoor
Quarterfinal: 🇺🇸Fritz/🇮🇹Musetti/🇬🇷Tsitsipas
Semifinal: 🇮🇹Sinner
Final: 🇪🇸Alcaraz/🇩🇪Zverev/🇷🇺Medvedev pic.twitter.com/Sa178zXNzQ— Danny (@DjokovicFan_) January 15, 2026
Во четвртфиналето, Ѓоковиќ би можел да се соочи со Американецот Тејлор Фриц или Италијанецот Лоренцо Мусети, додека во полуфиналето, можни противници се Синер, Американецот Бен Шелтон и Норвежанецот Каспер Руд. Од другата страна на ждрепката се Шпанецот Карлос Алкараз и Александар Зверев од Германија, со кои Ѓоковиќ нема да може да игра до финалето.
Синер ќе ја започне одбраната на титулата против Французинот Уго Гастон, а првиот носител Алкараз ќе игра против Австралиецот Адам Волтон во првото коло.
