Најдобриот српски тенисер Новак Ѓоковиќ се пласираше во осминафиналето на „Вимблдон“, откако денеска во третото коло го совлада сонародникот Миомир Кецмановиќ со 6:0, 6:3, 6:4.

Ѓоковиќ загуби само седум гема од Кецмановиќ и сега му претстои дуел против Холанѓанецот Тим ​​Ван Рајтховен, кој претходно со 6:4, 6:3, 6:4 го совлада Грузиецот Николоз Басилашвили.

На другите мечеви, Американецот Франсес Тијафо со 3:1 (3:6, 7:6, 7:6, 6:4) го елиминираше Александер Бублик од Казахстан. За пласман во четвртфиналето Тијафо ќе игра против Давид Гофан (Белгија) кој беше подобар од Уго Ембер (Франција) со 6:4, 5:7, 2:6 и 5:7.

Во американскиот дуел Сок со 3:1 триумфираше над Креси, додека Пол (САД) со 3:0 го исфрли Јири Весели (Чешка).

Во женска конкуренција елиминирана е петтата носителка Марија Сакари од Грција која загуби од Татјана Марија од Германија со 3:6 и 5:7 за еден и пол час игра.

Следна противничка на Марија ќе биде Летонката Остапенко која со 2:1 ја совлада Романката Бегу. Настапот го заврши и Кербер која претрпе пораз од Мертенс со 0:2, а победи забележаа уште Немејер, Вотсон, Жабир и Бузкова.

Наградниот фонд на грен слем турнирот во Лондон е 46,8 милиони евра.