Нешто помалку од еден месец ќе почне Европското ракометно првенство во машка сениорска конкуренција кое ќе се одржува во Германија од 10 до 28 јануари 2024 година.

На овој континентален собир ќе учествува и најдобрата македонска репрезентација која ќе игра во групата „А“ заедно со домаќинот Германија, Франција и Швајцарија.

Првиот ривал на избраниците на селекторот Кирил Лазаров ќе биде селекцијата на Франција на 10 јануари од 18.00 часот во Диселдорф.

Во септември годинава беше објавено дека токму на првиот меч на ЕП меѓу Македонија и Франција ќе бидеме сведоци на светски рекорд.

Лазаров неодамна го објави поширокиот список на ракометари на кои ќе смета за претстојното Европскот првенство.

Францускиот селектор Гијом Жил, како што пренесува „Л`Екип“, на својот список има 23 репрезентативци. Секако тука може да се одвојат големи ѕвезди како Никола Карабатиќ, Винсен Жерар, Недим Ремили, Лудовик Фабрегас, Лука Карабатиќ, Дика Мем…