43-годишен возач од Гевгелија вчеравечер е уапсен откако на граничниот премин „Богородица“ не застанал на знак за запирање од полицајци и потоа бегајќи удрил со колата во споменик во селото Богородица.

Претходно, околу 21 часот, полицијата на граничниот премин „Богородица“ му дала знак да го запре возилото „алфа ромео“ со валандовски регистарски ознаки што го управувал, но тој не застанал, веднаш потоа изгубил контрола и со колата удрил во споменик во центарот на селото.

„Притоа, тој се здобил со повреди и му била укажана лекарска помош од екипа на итна медицинска помош Гевгелија. Додека, по преземени мерки е констатирано дека го управувал возилото со 2,35 промили алкохол во крвта и дека регистарските таблички припаѓале на друго возило“, соопшти МВР.

По целосно документирање на случајот, против него ќе биде поднесена соодветна пријава.