Се комплетираше и втората четвртфинална двојка на грен слем турнирот во Париз, Диего Шварцман ќе ги одмери силите против Доминик Тим.

Аргентинецот Шварцман ја оправда фаворитската улога против Лоренцо Сонего од Италија триумфирајќи со 3:0 (6:1, 6:3, 6:4) за точно два часа игра.

За полуфинале на „Ролан Гарос“ ќе игра против Австриецот Тим кој потешко од очекувањата го елиминираше 239 рангиран тенисер на АТП листата, Уго Гастон од Франција.

Сензација на Ролан Гарос: Синер за полуфинале против Надал!

Тим кој е трет носител на турнирот и еден од фаворитите за титулата оваа година за три и пол часа игра забележа победа од 3:2 во сетови 6:4, 6:4, 5:7, 3:6 и 6:3.

Од претходно веќе знаеме дека Рафаел Надал во четвртфиналето ќе се сретне против италијанската сензација во Париз, Јаник Синер.

Останатите два четвртфинални парови ќе ги дознаеме в понеделник кога играат: Фучович-Рублев, Димитров-Циципас, Карењо Буста-Алтмајер и Ѓоковиќ-Хачанов.