Голема полициска операција во Италија разоткрила широка мрежа на луксузна проституција, во која, според истрагата, биле вмешани и луѓе од фудбалската елита.

Акцијата била спроведена под раководство на обвинителката Бруна Албертини, а откриена е организирана група која функционирала како агенција за настани, но зад неа се криела организација која нудела ексклузивни услуги со ескорт-дами за богати клиенти.

Според информациите на „Газета дело Спорт“, во целиот систем учествувале посредници и ПР агенти, а бизнисот бил внимателно структуриран. Клиентите добивале понуди за ноќни излегувања во елитни клубови во Милано, по што следувале престои во луксузни хотели со дополнителни „услуги“.

Посебен дел од понудата била таканаречената „услуга по натпревар“, наменета за спортисти, меѓу кои и фудбалери од Серија А. Се проценува дека организацијата остварила приход од над 1,2 милиони евра, а во истрагата се споменуваат најмалку 50 познати клиенти.

Покрај професионални ескорт-дами, во мрежата биле вклучени и помлади девојки кои добивале дел од заработката. Четворица главни осомничени се товарат за сериозни кривични дела, меѓу кои поттикнување и експлоатација на проституција, перење пари и учество во организирана криминална група.

A #Milano un giro di #escort di lusso nei locali alla moda. Tra i clienti ci sono anche calciatori di Serie A e un pilota di Formula Uno. La Guardia di finanza sequestra oltre un milione di euro.#Tg1 Stefano Fumagalli pic.twitter.com/ic0ZjxyZuC

— Tg1 (@Tg1Rai) April 20, 2026