Фудбалерот на Митјиланд, Аламара Џаби, преживеал тежок напад во кој бил избоден со нож, по што итно бил опериран. Веста за нападот врз 19-годишниот играч ја шокираше спортската јавност во Данска, но и пошироко низ Европа.

Од клубот соопштија дека Џаби бил подложен на две операции, по што извесен период поминал во индуцирана кома. Во меѓувреме е разбуден и, според последните информации, неговата состојба е стабилна.

„Аламара Џаби е сериозно повреден по напад со нож, но по двете операции се наоѓа во стабилна состојба. Разбуден е од индуцираната кома и се чувствува добро со оглед на околностите. Клубот е во постојана комуникација со надлежните институции и му дава целосна поддршка нему и на неговото семејство“, информираа од Митјиланд.

Засега не се познати мотивите и деталите за нападот, а полицијата веќе започнала истрага по која се очекуваат повеќе информации. Во моментов, најважно е што Џаби, за среќа, е надвор од животна опасност.

Шок за Партизан: Не добил лиценца за настап во Европа