За нешто повеќе од еден месец ќе стартува Европското првенство на кое ќе дебитира најдобрата македонска репрезентација. Избраниците на селекторот Игор Ангеловски се наоѓаат во група со селекциите на Австрија, Украина и Холандија.

Сезоната за клубовите се ближи кон крајот, а во следниот период сè повеќе ќе се насочуваат погледите кон континенталниот собир кој секако репрезентативците ширум Европа, секако оние стандардните не сакаат да го пропуштат.

За жал, меѓу патниците за Букурешт и Амстердам поради повреда нема да биде членот на италијанскиот клуб Удинезе, Илија Несторовски.

Францускиот веб портал „90min“ ги предвидува првите 11 со кои би требало да настапува нашата А репрезентација на ЕП: Димитриевски, Алиоски, Муслиу, Велковски, Ристевски, Ристовски, Адеми, Барди, Елмас, Пандев, Трајковски.

Изворот воедно пренесува дека Македонија има неколку играчи кои можат да направат изненадување, а доказ за тоа е сензационалната победа минатиот месец во рамките од квалификациите за Светското првенство против Германија во Дуизбург (1:2).