Франција: Се урива бегалскиот камп кај Кале, евакуирани стотици мигранти

Властите соопштија дека престојот на луѓето во кампот го нарушува јавниот ред и мир.

Француските безбедносни сили утрово почнаа со уривање на бегалскиот камп во пристанишниот град Кале, во кој престојуваа стотици мигранти кои сакаат да стигнат до Велика Британија.

Мигрантите евакуирани од кампот се испраќаат главно во прифатните центри на северот на Франција, но и во другите делови на земјата. Меѓу неколку стотици мигранти има околу триесет деца.

Властите соопштија дека престојот на луѓето во кампот го нарушува јавниот ред и мир.

Околу 300 полицајци учествуваат во акцијата за уривање на кампот и евакуација на мигрантите.

Пет години по уривањето на „џунглата”, огромен камп во кој имаше до 10.000 луѓе, властите редовно ги евакуираат новите импровизирани населби во Кале, каде стотици мигранти пристигнуваат во надеж дека од таму ќе го продолжат патот кон Велика Британија. 

 

Видео на денот