Франција може да го намали, но не и целосно да го прекине снабдувањето со електрична енергија на британскиот остров Џерси оваа зима, како дел од насочената одмазда за спорот со риболов, изјави францускиот министер за европски прашања, Клемент Боун, цитиран од АФП.

Џерси е најголемиот остров на Каналските Острови по површина и население. Од брегот на француската провинција Нормандија е оддалечен само 23 километри, додека од англискиот брег е оддалечен дури 140 километри. Џерси е најголемиот остров во Ла Манш. Иако има своја администрација и законодавство и официјално не спаѓа во територијата на Обединетото Кралство, Џерси се смета за „имот на кралството“ или „територија за која Обединетото Кралство е одговорно“.

#UPDATE France could reduce, but not entirely cut electricity supplies to Jersey this winter as a "targeted" retaliation in a dispute over fishing, its Europe Minister Beaune says.

"But cutting the power to every Jersey resident this winter is something that will not happen" pic.twitter.com/q9j930D0Pd

— AFP News Agency (@AFP) October 8, 2021

Проблем со риболов

Велика Британија во мај испрати два патролни бродови на својата морнарица на островот Џерси, откако француските рибари се заканија дека ќе го блокираат главното пристаниште на островот, а самата француска влада дури и се закани дека ќе го прекине снабдувањето со електрична енергија во Џерси.

Тогаш 60 до 80 француски рибарски бродови го блокираа пристаништето Сент Елиер, главниот град на Jерси, во знак на протест поради, како што тврдат, негирањето на нивните права за риболов по Брегзит, односно откако Обединетото Кралство официјално го напушти заедничкиот пазар и царинската унија на 31-ви Јануари, 2020 година.

„Бараме од француската влада да се обрати до сите инволвирани власти за промена на ситуацијата во која се наоѓаат француските рибари денес. Но, ако тоа нема ефект, ќе мора да преземеме нови мерки за одмазда. Мерката за која повеќето луѓе знаат е прекин на електричната енергија на Џерси затоа што е под контрола на Нормандија “, изјави регионалниот претставник на францускиот рибар Хуго Лехуби за Гардијан во мај.

Франција: Новиот систем за лиценцирање е неправеден за нашите рибари

Француската влада, исто така, ги нарече новите правила за пристап на француските рибари до овие води како неприфатливи. Париз го пријави ова во Европската комисија, тврдејќи дека овие нови услови се наметнати еднострано, без договор и дека се неправедни кон француските рибари.

Париз тврди дека немало консултации меѓу двете страни за новите услови. Риболовот претходно беше регулиран со Гранвилскиот договор, кој Лондон и Каналските Острови (Џерси и Гернзи) го склучија со Париз во 2000-та година, според кој француските бродови можеа да ловат риби до 5 километри од брегот на островот.
Но, тој договор сега беше исто така валиден, а според новиот договор помеѓу Европската Унија и Обединетото Кралство, француските рибари можат да продолжат со риболов само ако докажат дека претходно работеле во тие води.

Британија им забрани на француските рибари да ловат, заради измените по Брегзитот