ФОТО+ВИДЕО | Трка за рекорд: Турчин го покри телото со 60 килограми пчели
Пчеларот Абдулвахап Семо од Турција, познат и како човекот-пчела, сонува да постави нов светски рекорд по бројот на пчели кои можат да покријат едно лице.
Во меѓувреме, своето тело го покри со околу 60 килограми пчели, пишува „Анадолу“.
Семо, од провинцијата Ван во источна Турција, се обиде да го достигне Гинисовиот рекорд кој моментално го држи Руан Лијангминг од Кина, кој се покри со околу 637.000 пчели, со тежина од 63,7 килограми.
Тој призна дека претходно неколку пати се обидел да го собори рекордот, но дека овој пат му било особено тешко бидејќи „пчелите биле агресивни“.
„Мојата цел е да стигнам до 65 килограми и да го соборам светскиот рекорд. Ќе ми треба поддршка во тоа“, рече тој.
Во текот на подготовките за новиот обид, тој го промовира медот на производителите од неговата провинција.