ФОТО+ВИДЕО | „Свадба со стил“: Водителката Елена и нејзиниот сакан Бојан стапија во брак
Вистинско уживање е да се следи профилот на нашата водителка и инфлуенсерка, Елена Стефановска, позната и како Елена – „Живот со стил“, по името на нејзината емисија која ја води веќе десетина години.
Елена на својот инстаграм-профил постојано споделува интересни фотографии, како од прекрасните дестинации кои ги посетува, така и од моментите поминати со своите пријатели, семејството и нејзиниот партнер.
Стефановска ја започна годината со понуда за брак. Таа и нејзиниот партнер Бојан Најдоски за новогодишните празници отпатуваа во Москва и токму таму Елена го кажа судбоносното „да“.
А вчера, Елена и Бојан официјално стапија во брак и направија свадбена прослава во еден познат скопски хотел, за која уште долго ќе се зборува. На забавата присуствуваа најблиските пријатели, роднини и соработници на парот.
Елена во текот на вечерта смени два раскошни фустани. Традиционално, за најважниот ден од нејзиниот живот таа носеше бела светкава венчаница со корсет и прерамки. Косата ѝ беше фатена во опавче, имаше и прекрасна шминка, а целиот бајковит изглед го надополнила со круна. Во текот на вечерта водителката и инфлуенсерка се појави во полежерно издание – пократок бел фустан со мрежасти елементи и пердуви.
Според приложените фотографии и видеа на инстаграм-профилот на Елена, можеме да заклучиме дека супер си поминале, а младоженците навистина живеат живот со стил.
Честитки!
Погледнете дел од атмосферата: