ФОТО+ВИДЕО | Сензација во Катар: Меси и Аргентина на колена пред Саудиска Арабија!
Денешниот ден на Мундијалот во Катар започна со вистинска сензација – Саудиска Арабија ја победи Аргентина со 1:2.
Не изгледаше дека Аргентинците ќе доживеат ваков шок кога Меси брзо на стартот од пенал погоди за водство. Во продолжение „Гаучосите“ напаѓаа и создаваа шанси, но одлично функционираше веројатно тактиката на селекторот на Саудијците да ги „фаќаат“ Аргентинците во недозволена позиција. Дури три гола во првиот половина час беа поништени поради офсајд. Треба да се каже дека во сите ситуации головите беа оправдано поништени.
Заминаа на паузата Меси и друштвото со предност од 1:0, а вистински шок доживеаа веднаш на стартот. Следуваа десет минути во кои беше одлучен победникот. Прво Ал Шехри во 48. минута погодува за 1:1. Не застанаа тука, Саудијците продолжија да напаѓаат и наградата стигна четири минути подоцна. Ал Давсари со веројатно најубавиот гол досега на Светското првенство ја доведува Саудиска Арабија до предност.
Al Dawsari what a goal… pic.twitter.com/exxogV1jCX
— Kush (@KUSH23TV_) November 22, 2022
Се обидуваа Аргентинците до крајот создаваа прилики, меѓутоа не успеаа повторно да го пронајдат патот до мрежата. Секако дека ова е сензација како што ретко кој очекуваше, посебно затоа што многумина ја истакнуваа Аргентина како главен фаворит за трофејот..