Во близина на Галилејското Езеро е пронајдено вистинско археолошко богатство – ризница од златни монети и накит стар речиси 1.400 години, од времето на Византиската империја.

Во ризницата се откриени 97 златни монети и десетина парчиња накит, вклучувајќи обетки со бисери, полускапоцени камења и стакло, пишува „Лајв саенс“.

Тимот на истражувачи го открил ова богатство додека го истражувал античкиот град Хипос на работ на Голанската Висорамнина.

– Ова е едно од петте најголеми златни богатства од тој период откриени во овој регион. Додавањето накит и ситници го прави ова богатство уште поинтересно и нумизматички важно. Тоа беше првото откриено во Хипос – изјавил Мајкл Ајзенберг, археолог на Универзитетот во Хаифа.

This Is Our Land

Archaeologists from the University of Haifa have discovered a unique Byzantine-era treasure in the Susita National Park: 97 gold coins and dozens of fragments of gold earrings inlaid with pearls, semi-precious stones, and glass. The hoard was most likely hidden… pic.twitter.com/EvW3eiAleg

— nili lachovski (@LachovskiNili) September 25, 2025

Еди Липсман го открил ова богатство користејќи детектор за метал додека шетал околу два антички ѕида и големи камења.

– Уредот полуде. Не можев да верувам – златните монети се појавија еднa по другa – рече тој во соопштението.

На златните монети се претставени различни императори, од императорот Јустин I (518-527) до раното владеење на императорот Ираклиј (610-613). На некои од монетите е откриена ткаенина, што укажува дека некогаш биле завиткани во нешто. Меѓу монетите се солиди, големи монети со висока содржина на злато, полумонети, кои вределе половина солиди, и тремиси, кои вределе третина од солиди.

– Кога ќе најдете монети и накит стари речиси 1.400 години кои изгледаат како нови, тоа е ретко искуство – рече Ајзенберг.

Еден од тремисите е особено редок, бил искован на Кипар во 610 година од Ираклиј Постариот и неговиот син, кои се побуниле против императорот Фока. Ираклиј Помладиот го освоил престолот и ја воспоставил династијата Ираклиј.