ФОТО: За првпат после 30 години „Златната копачка“ повторно доаѓа во Србија?

Македонската фудбалска легенда Дарко Панчев беше најдобар стрелец во Европа со 34 голови во сезоната 1990/1991 со Црвена звезда/Фото: EPA/GEORGI LICOVSKI

Започна новата фудбалска сезона 2021/2022, а со неа и борбата за „златната копачка“ која му се доделува на најдобриот европски стрелец.

„Златната копачка“ се доделува од 1968 година, а еднаш стигна и во Србија. Тоа беше пред 30 години, во 1991 кога признанието за најдобар стрелец на стариот континент ја доби еден од најдобрите македонски фудбалери Дарко Панчев кој оваа награда ја доби дури 15 години подоцна во 2006 во Скопје добивајќи ја лично од Мишел Платини.

Историјата следниот јуни би можела да се повтори после 30 години, а моментно водечки во трката за „Златната копачка“ е напаѓачот на Молде, Охи Омоижуанфо кој од 1 јануари 2022 година ќе биде член на Црвена звезда со 24 голови, односно 36 поени, откако головите во норвешката лига се множат со еден и пол, поради тежината на лигата.

Истата ситуација што се однесува до множењето е и во српската Суперлига, од чие првенство во Топ 5 се наоѓа и членот на Партизан, Рикардо Гомеш со 15 голови на петтото место со 22,5 поени.

Инаку, до 1996 година, претежно освојувачите на наградата беа од послабите лиги, но од 1997 година лигите се рангираат по тежина и бројот на голови се множи со квалитетот на лигата во која играат играчите, па последен пат наградата надвор од Премиер лигата, Ла Лига, Серија А или Бундеслигата завршила во рацете на Марио Жардел од Спортинг во 2002 година.

Моментно најдобрите европски стрелци во трката за „Златната копачка“/Фото: Принтскрин/transfermarkt.com
Видео на денот