Машко бебе родено во Тексас, со големина на лименка сок, го прослави својот прв роденден, пишува „Дејли мејл“.

Леовани Вера е роден во 27-мата недела од бременоста на неговата мајка и тежел помалку од еден килограм.

Леовани, кој бил толку мал што бурмата на татко му, му стоела на зглобот како нараквица, поминал три месеци во болница добивајќи сила и учејќи сам да дише.

Деновиве тој го прославил својот прв роденден. Сега тежи 6,5 килограми и само што почнал да ползи.

@growingleoathome Leo was a fan of his birthday cake! #micropreemieathome #nicugraduate #micropreemiesoftiktok #lifeafternicu #microbaby #preemiesoftiktok #bebeprematuro #preemie1stbirthday #preemiestrong #iugrawareness ♬ original sound – lei

Неговата мајка Изабел го родила предвреме поради прееклампсија, која погодува два до осум отсто од трудниците ширум светот. Оваа состојба се карактеризира со висок крвен притисок и присуство на протеини во урината. Ако не се лекува, прееклампсијата може да има сериозни последици за мајката и бебето, вклучувајќи напади, предвремено раѓање, откажување на органите и смрт.

“Додека беше на интензивна нега, го посетував секој ден. Не сакав да го оставам”, рекла Изабел и признала дека не се сомневала дека нејзиниот син ќе се извлече.

@growingleoathome Leo is officially 1! He made it! Proud of him always! 🥳🥳🥳🥳#micropreemieathome #nicugraduate #micropreemiesoftiktok #micropreemiestrong #lifeafternicu #microbaby #micropreemiemama #bebeprematuro #preemiesoftiktok ♬ You’re Still The One – Eddie Tom

Леовани е моето чудо и едвај чекав да кажам дека е среќно и здраво едногодишно дете“, додаде таа.

Се зголемува бројот на предвремени раѓања насекаде низ светот. Предвремено родените бебиња, како Леовани, можат да бидат изложени на постојани физички и ментални здравствени проблеми, вклучувајќи астма, аутизам и церебрална парализа.