Додека повеќето граѓани се одмораа за празниците, во Битола горела фасадата на средното медицинско училиште „Д-р Јован Калаузи“, откако некој ги запалил контејнерите сместени во училишниот двор.

„Ја известуваме јавноста дека за време на празничните неработни денови, поточно на 11.04 во 1 часот и 30 минути по полноќ беше извршен вандалски чин со палење на контејнерите во дворот на училиштето, при што пожарот се прошири и предизвика оштетување на фасадата на задниот дел на објектот“, соопштија денес од училиштето.

Оттаму велат дека по навремена интервенција на противпожарната единица и полицијата, пожарот бил локализиран и спречени се поголеми последици.

„Случајот е пријавен и во тек е постапка за откривање и санкционирање на сторителите. Остро го осудуваме овој чин на уништување на јавен имот и апелираме до надлежните институции за брза и ефикасна разрешница. Училиштето ќе ги преземе сите потребни мерки за целосна санација на штетата и дополнително зајакнување на безбедноста. Нема да толерираме вакви постапки“, се вели во соопштението.

Како на филм — насилници во Демиркаписко грабнале момче и го тепале во шума, го терале да признае дека силувало жена