Поранешниот европски шампион Вардар уште еднаш покажа дека грижата за навивачите не е само декларативна, туку и конкретна. Особено кога станува збор за најмладите фанови.

Малиот Леонид минатата недела на натпреварот против Мелсунген се соочи со разочарување, неговото столче на трибините беше скршено, па не можеше да го следи мечот како што посакуваше. Неговиот татко јавно се обрати до клубот со апел проблемот да биде решен.

Реакцијата не изостана. Веќе на следниот домашен натпревар, против Бенфика, Леонид го пречека ново и исправно столче. Со насмевка на лицето, тој јавно му се заблагодари на клубот за гестот, кој уште еднаш потврди дека Вардар знае да ги слушне и најмалите, но најискрени поддржувачи.