ФОТО | Тага и бес поради трагедијата: Турските ѕвезди ги обоија во црно профилите на социјалните мрежи
Најмалку шестмина луѓе загинаа во силната експлозија која одекна вчера попладне на преполната улица „Истиклал“ во центарот на Истанбул, соопштија турските власти. Повредени се најмалку 53 луѓе.
Страотната експлозија се случи во 13 часот и 20 минути, во време кога најпознатото истанбулско шеталиште е преполно со туристи.
По повод трагедијата се огласија и турските јавни личности
Профилите на Инстаграм на бројни турски актери од синоќа се обележани со црната боја и името на плоштадот во Истанбул каде што се случи експлозијата.
Бергуазар Корел, на публиката кај нас позната како Шехерезада од серијата „1001 ноќ“, на Инстаграм напиша: „Проклетство“, изразувајќи ја својата тага и огорченост за она што вчера се случи во Турција.
Меѓу многубројните славни турски личности кои го изразија својот бес и тага, се најде и младиот актер Алп Навруз, кој објави трогателна фотографија со хаштаг Таксим на својот профил на Инстаграм.
„Многу ми е жал, толку сум лута“, порача на Инстаграм актерката Хазал Каја, познатата Нихал од популарната серија „Забрането овошје“.
Покрај оваа актерка, свој коментар на Инстаграм објави и една од најпознатите и најплатените турски актерки Туба Букујстун.
Пораката, обоена во црно со хаштаг и три точки, е нејзиниот начин да ја изрази својата тага поради веста која ја шокираше светската јавност.
Бурак Озчивит, познат како Бали-бег од серијата „Сулејман Величествениот“, на својата приказна на Инстаграм го објави хаштагот Таксим.
ВОЗНЕМИРУВАЧКО ВИДЕО: Страотна експлозија го потресе центарот на Истанбул, има жртви и повредени