ФОТО: Стружани од Летонија сонуваат за долго европско лето
Струга Трим Лум е меѓу трите македонски екипи кои ќе учествуваат сезонава во новоформираната УЕФА Конференциска лига.
Стружани предводени од тренерот Срѓан Захариевски веќе се во Летонија каде што в четврток ќе ги одмерат силите против Лиепаја во првиот натпревар од 1. квалификациско коло во натпреварувањето.
Дуелот ќе се одигра од 16.00 часот, а реванш дуелот е закажан во Скопје на 15 јули од 17.00 часот.
Во пресрет на првиот европски предизвик, Струга Трим Лум како подготовка одигра пријателски натпревари во кои триумфираше над Теута (2:1), ремизираше со Шкупи (1:1) и нерешено со Партизани (1:1)
Од составот си замина Нијас Лена, а како нови засилувања дојдоа Валентин Кочоски и Давор Талески.