Нашата позната манекенка, Катарина Ивановска денес го прослави својот 33-тиот роденден. За разлика од претходните роденденски прослави, овој пат беше малку поинаку.

Наместо дискотека и бројни пријатели, Катарина според последните фотографии кои ги сподели со своите фанови ужива во прекрасниот словенски град Пиран.

Својата кариера како манекенка ја започнала во 2004 година на Миланската модна недела по освојувањето на „Look Models International“ кастингот за модели во Македонија. Во декември 2004 се појавила во едиторијал за магазинот „Elle“, а исто така се има појавено и во „Citizen K“, „Stiletto“ и италијанското и руското издание на „Vogue“.

Се има појавено на насловните страни на магазините „Diva“ и „Máxima“, и во реклами за „D&G“ во 2006. Во 2010, Ивановска се појавила во српскиот магазин „Elle“. Во 2011 потпишала договор за рекламирање на продуктите на „Викторија Сикрет“.

Катарина на својот инстаграм – профил од нејзините колеги, соработници како и бројните фанови доби роденденски пораки со најубави желби.