Ромео Бекам, 24-годишниот син на Дејвид и Викторија Бекам, се појави на Инстаграм за да ја покаже својата нова тетоважа со грчката муза на љубовната поезија.

Се чини дека Ромео го следи примерот на татко  му, па додаде нов мотив во својата веќе импресивна колекција, која наводно има повеќе од 70 тетоважи, пишува „Дејли Мејл“.

На неговиот лев бицепс има тетоважа од Ерато, една од деветте музи од грчката митологија, која е поврзана со љубовната и лирска поезија. Тетоважата ја покажа во објава на инстаграм-профилот од студиото за тетоважа „Фајн лајн хартс клаб“, а Ромео позира без маица за да им ја покаже на своите следбеници.

Ова е неговата прва тетоважа оваа година. Минатата година, тој го истетовира бројот „11:11“ зад увото, мотив од самовила на левата рака и ангел со крилја на глуждот. Неговата колекција веќе вклучува лавовско лице над натписот „Направи го тоа дури и во страв“, птица со роза и пораката „Сè поминува“, како и зборот „Романса“ на показалецот.

Инаку, семејството Бекам одамна е познато по својата љубов кон тетоважите. Дејвид и неговиот најстар син Бруклин, со кого семејството повеќе не е во добри односи, наводно имаат околу 200 тетоважи заедно. Дејвид ја направил својата прва тетоважа во 1999 година, а голем број од нив ги посветил на својата сопруга Викторија.

Семејната традиција на оддавање почит на нивните најблиски тетоважи продолжила минатиот октомври, кога сите тројца браќа – Бруклин, Ромео и Круз – го истетовирале зборот „Братство“. Бруклин ја направил на ногата, над тетоважа на жена што танцува, Ромео исто така ја направил на ногата, над орелот, а Круз ја направил на раката.

Ромео Бекам раскина со девојката по седум месеци врска