Македонскиот одбојкарски стратег Жарко Ристоски и неговиот тим Ал Хилал имаат одлично загревање за сезоната во Саудиска Арабија, откако го освоија Сaуди Националниот куп. Во финалето со 3:0 во сетови го победија тимот на Ал Ахли и ја одбранија титулата.

Најдобрите осум екипи учествуваат во Националниот куп, а тимот на Ристоски на патот до трофејот уште го совлада и Ал Насер со 3:1 во четвртфиналето, а потоа во полуфиналето со 3:0 беше подобар од Ал Итихад.

Ова е втора титула за нашиот тренер и Ал Хилал сезонава, откако претходно го освоија Интернационалниот клупски шампионат, кој се одржа во Абу Даби.

Ристоски и Ал Хилал ќе ја бранат шампионската титула и во националното првенство на Саудиска Арабија, кое започнува на 21 ноември.

Клупските активности во следниот период ќе бидат на пауза поради одржувањето на Исламските игри, чии домаќин ќе биде националниот тим на Саудиска Арабија.