ФОТО | Памела Андерсон на насловната на „Пипл“ со драматична промена: „Малку шминка не би ѝ наштетила“
Легендарната актерка Памела Андерсон повторно е тема на јавноста откако одлучи да појави без шминка на насловната страна на престижниот магазин „Пипл“ со целосно нов изглед. Андерсон позираше за најновото издание на магазинот и ги изненади обожавателите со драстична промена на имиџот.
Препорачано
Наместо препознатливата долга руса коса, актерката се појави со краток боб и црвенкасти кадрици.
Од 2023 година, Памела ретко користи шминка кога ќе се појави во јавност, а и овојпат позираше целосно природна. Во интервју за магазинот откри дека нема ништо против шминката, но дека во минатото ја користела како „заштита“. Денес, вели, ја прифаќа својата природна убавина и во тоа наоѓа „нов облик на слобода“.
View this post on Instagram
„Имам чувство дека го дешифрирав кодот“
„Не размислувам како изгледам. Создавам лик и некако сум во транзиција. Понекогаш ќе се погледнам во огледало и си велам: ’О Боже, кој е ова?‘ Но зар тоа не е забавно? Прекрасно е. Имам чувство дека го дешифрирав кодот. Изгледам како моите фотографии на Инстаграм“, раскажува Андерсон. Таа додава дека денес убавината ја гледа во „интересни и повозрасни лица“.
Иако истакнува дека убавината е субјективна, реакциите на публиката беа поделени.
„Ми се допаѓа ова, но фризурата не е добра“, „Малку шминка не би наштетила“, „Природно е супер, но, прости, ти треба нов фризер“, беа дел од коментарите.
Поддршка од фановите и емотивна порака од синот
Покрај критиките, пристигнаа и бројни пофалби. Фановите ја поздравија храброста на Памела да го прифати природниот изглед.
„Го обожавам ова! Толку сум горд на тебе. Ова беше неверојатна година“, ѝ напиша нејзиниот син Брендон.
„Те сакаме, Пем! Ти го отвораш патот за жените и славните личности да бидат она што навистина се“, „Ти благодарам што му покажуваш на светот она што одамна го знаеме — дека жените се прекрасни во сите години“, додадоа обожавателите.
View this post on Instagram
Повторно на големото платно
Покрај трансформацијата, Памела Андерсон активно се враќа и на актерството. Минатата година воодушеви со улогата во филмот „The Last Showgirl“, а неодамна се појави и во новата верзија на „The Naked Gun“ со Лијам Нисон. Моментално снима нов филм „Love Is Not the Answer“, во режија на Мајкл Сера.
