Рано изутринава одекна трагичната вест дека познатиот холивудски глумец Алек Болдвин на сетот во текот на снимање, ја убил директорката на фотографија, Халина Хачинс, која работеше на бројни филмски остварувања, пренесуваа странските медиуми.

Алек Болдвин пукаше од реплика пиштол на филмскиот сет во Ново Мексико и ја застрела Халина Хачинс, а го рани режисерот Џоел Соуза, пренесоа локалните власти.

Според властите, Хачинс со хеликоптер е превезена во болницата на Универзитетот во Ново Мексико и прогласена за мртва, додека Соуза кој бил пренесен со итна помош во регионалниот центар „Кристус Ст.Винсент“  е згрижен поради повреда.

Халина Хачинс почина од прострелна рана, која ја здоби на снимањето на филмот „Rust“, а имаше 42 години. Родена е во Украина, а растена е на советската воена база. Студирала на Киевскиот национален универзитет и дипломирала меѓународно новинарство. Работела како истражувачки новинар.

Екипата изминативе денови е на снимање на филмот во Ново Мексико, а Хачинс на својот инстаграм -профил сподели видеа и фотографии од снимањето. На последното видео кое е поставено на оваа платформа, таа јава коњи со филмската екипа.

 

View this post on Instagram

 

A post shared by Halyna Hutchins (@halynahutchins)

„Една од предностите на снимање вестерн е да јавате коњи на слободен ден“ – напиша таа во својата последна објава.

Деталите за тоа зошто имало вистински куршуми во пиштолот  реплика остануваат неразјаснети. Ваков бизарен инцидент не е прв случај во Холивуд.

ВИДЕО | Андоновиќ: Во бизарна филмска сцена убиена актерка од страна на својот колега – во реквизитерскиот пиштол имало вистински куршуми